GENESTUDIO-MONGOLIAN MILITARY MUSEUM

МОНГОЛ ЦЭРГИЙН МУЗЕЙ
Эх орныхоо нэрийг ертөнцийн чихнээ дуурсгасан монгол цэргийн ялалтын түүхийг дэлгэн
үзүүлсэн Монгол цэргийн музей цэргийн түүхийн дурсгалт эд өглөг,түүхэн баримт материалыг
цуглуулан хадгалах,сурталчлах,судлах үүрэгтэй соёлын байгууллага мөн.
МАХН-ын Төв Хорооны Улс Төрийн Товчооны 1996 оны 1 дүгээр сарын 21-ний өдрийн
хуралдаанаас Монголын Ардын Армийн музей байгуулах 2 тоот тогтоол гарсан нь
Монгол Цэргийн музей байгуулах тухай анхны түүхэн шийдвэр байлаа.

1987 оны 10 дугаар сарын 24-нд Монгол Ардын Армийн музей шав тавих ёслолын
ажиллагаа болж бүтээн байгуулалтын ажил өрнөсөөр орчин үеийн музейн зориулалт
бүхий барилга ашиглалтанд орж Зэвсэгт Хүчний 75 жилийн ойгоор 1996 оны 3 дугаар сарын 15-нд
анхны үзэгчдээ хүлээн авсан түүхтэй билээ.

Монгол цэргийн музей нь үзүүллэгийн 2 танхимтай,
Эртний түүхийн А-танхимд хуучин чулуун зэвсгийн дээд үеэс 20 зууны эхэн үе хүртэл,
Шинэ үеийн түүхийн Б-танхимд Богд Хаант Монгол Улсын үеийн түүхээс
өнөөдрийн Зэвсэгт хүчний шинэчлэл,дайчин уламжлалыг өгүүлнэ.

Музейн МЭӨ 8-7 дугаар зууны хүрэл дуулаг,хүрэл төмөр зэр зэвсгүүд,сумны төрөл бүрийн
зэвнүүд,13 зууны монгол цэргийн хотгор илд 1372 оны хүрэл галт буу ,хөө хуяг,эртний их буунууд,
20 зууны зэвсэгт хүчний зэвсэглэлд байсан шинэ үеийн буу зэвсэг,дүрэмт хувцасны
загвар зэрэг танин мэдэхүйн сонирхол татахуйц,үзмэртэй танилцах боломжтой.